गए राति लुटेरा समूहको आक्रमण हुँदा बाँकेको जानकी गाउँपालिकामा एक जनाको ज्यान गयो ।

लुटपाटका लागि आएको ५-७ जनाको समूहसँग प्रतिकार गर्ने क्रममा जानकी गाउँपालिका-३ रुद्रपुर नयाँ बस्तीका सन्तोष कठरिया थारुको मृत्यु भएको छ । उनलाई लुटेरा समूहले चिर्पटले आक्रमण गरेका थिए।

प्रहरी उपरीक्षक सुवास चन्द्र बोहराका अनुसार घटनामा मृतककी श्रीमती सविता राजवंशी थारु पनि घाइते भइन्। लुटेराहरूले उनको सुनको फुली र ४० हजार नगद लुटेर लगेका छन्।

खजुरा रोडबाट भित्री सडकमा पर्ने रुद्रपुरको एकान्त घरमा लुटपाटकै उद्देश्यले सो समूह गएको बताइएको छ। प्रहरीले घटनाको थप अनुसन्धान सुरु गरेको छ।