पुर्व पश्चिम राजमार्ग अन्तर्गत बारा वडा नम्बर २२ जीतपुरसिमराको ३ नम्बर पुलमा यात्रु बस दुर्घटना भएको छ।

पुलबाट बस खोलामा खसेको बताइएको छ। दुर्घटनामा दर्जन भन्दा बढि घाइते भएको जिल्ला प्रहरी कार्यालय मकवानपुरले जनाएको छ। चितवनबाट विरगञ्ज जाँदै गरेको यात्रुबाहक बस हेटौंडा र बाराको सिमनामा रहेको तीन नम्बर पुल बजार स्थिती पक्की पुलबाट खोलामा खसेको प्रहरीले जनाएको छ।

दुर्घटना घाइते भएकाहरु मध्ये हाल १७ जनाको हेटौंडा अस्पतालमा उपचार भैरहेको जिल्ला प्रहरी कार्यालय मकवानपुरका प्रहरी प्रवक्ता डिएसपी लक्ष्मी भण्डारीले जानकारी दिए। बाराको घटना भएका कारण मकवानपुर प्रहरीसँग दुर्घटनाको विवरण नभए पनि केही घाइतेहरुको अवस्था गम्भीर रहेको र केही मध्यम घाइते रहेको उनले बताए।

अस्पताल बिरामी ल्याउने क्रम जारी रहेको मकवानपुर प्रहरीले जनाएको छ।