रुख काट्दै गर्दा भएको दुर्घटनामा परी एक महिलाकाे मृत्यु भएको छ ।

मृत्यु  हुनेमा जिरी नगरपालिका-९ ठुलोपातल बस्ने ३८ वर्षीया अनिता तामाङ रहेकी छिन् । आफ्नै बारीमा रुख काट्दै गर्दा भएको दुर्घटनामा परी उनकाे मृत्यु भएको हाे।

श्रीमान् जितबहादुर पाख्रिनसँग आफ्नै बारीमा रुख काट्दै गर्दा डोरीले तान्ने क्रममा सो रुखको माथिल्लो भाग भाँचिएर अनिताको टाउकोमा लागेको थियो।

घाइते अनितालाई उपचारका लागि जिरी अस्पताल लैजाने क्रममा बाटोमै मृत्यु भएको बागमती प्रदेश प्रहरी कार्यालय हेटौंडाले  जनाएको छ।