जिप दुर्घटनामा १० जनाको मृत्यु भएको शोकमा पाल्पाको तिनाउ गाउँपालिकाले आज पालिकाभर शोक बिदा दिएको छ ।

गाउँ कार्यपालिकाको बैठकले पालिकाका सम्पूर्ण  शिक्षण संस्था तथा स्थानीय तह मातहतका कार्यालयमा बुधबार शोक बिदा दिने निर्णय गरेको हो ।  तिनाउँ गाउँपालिका–६ मस्यामस्थित इको फार्महाउस नजिकै भित्री कच्ची सडकमा डुम्रेबाट चिदीसतर्फ जाँदै गरेको लु१ज २३७१ नम्बरको जीप मङ्गलबार साँझ दुर्घटना हुँदा १० जनाको मृत्यु भएको थियो ।

मृत्यु भएकामध्ये पाँचजना तिनाउँका भएका प्रहरीले जनाएको छ। पाँच जना मृतकका परिवारलाई तिनाउ गाउँपालिकाले जनही ३५ हजार रुपैयाँका दरले राहत दिने निर्णयसमेत गरेको छ ।