तीन युवक ब्राउन सुगरसहित पक्राउ
तुलसीपुर प्रहरीले लागुऔषध ब्राउन सुगरसहित ३ जना पक्राउ गरेको छ ।
शुक्रबार बेलुकी तुलसीपुर ५ स्थित पार्टी फ्लो रेस्टुरेन्टबाट ३ ग्राम ५२० मिलीग्राम ब्राउन सुगरसहित ३ जनालाई पक्राउ गरिएको इप्रका तुलसीपुरका प्रमुख डिएसपी ठाकुर पोखरेलले जानकारी दिएका छन् ।
डीएसपी पोखरेका अनुसार तुलसीपुर ९ बेलुवाका २१ वर्षीय प्रदिप बुढाथोकी, २१ वर्षिय सन्जिव कठायत र २१ वर्षीय चन्द्र प्रकाश केसी पक्राउ परेका हुन् ।
प्रदिप बुढाथोकीले लागूऔषधको कारोबार गरि रहेको भन्ने गोप्य सूचनाका आधारमा इलाका प्रहरी कार्यालय तुलसीपुरबाट प्रहरी निरीक्षक नवराज केसीको कमाण्डमा खटिएको प्रहरी टोलीले उनीहरुलाई पक्राउ गरेको हो ।
प्रतिक्रिया
सम्बन्धित समाचार
