हेटौंडा / मकवानपुरमा सडेगलेको अवस्थामा शव फेला परेको छ ।

जिल्ला प्रहरी कार्यालय मकवानपुरका अनुसार शनिबार बिहान बकैया गाउँपालिका वडा नं २ सरस्वती सामुदायिक बनको वतासेडाँडास्थित जङ्गलको भीरबाट करिब ३०० मिटर तल अन्दाजी ६०/६५ वर्षीय एक पुरुष मृत अवस्थामा फेला परेको हो ।

मकवानपुरका प्रहरी प्रवक्ता एवम् प्रहरी नायब उपरीक्षक लक्ष्मी भण्डारीका अनुसार ती पुरुषको सनाखत भएको छैन । शव भेटिएको बारे स्थानीले प्रहरीलाई खबर गरेका थिए।

प्रहरी घटनास्थल पुग्दा दुर्गन्धित अवस्थामा फेला परेको प्रवक्ता भण्डारीले बताए ।