थाहानगर / थाहा नगरपालिकामा क्रियाशील पालुङ जेसीजले कात्तिक १७ गते मध्यरात जाजरकोट केन्द्रबिन्दु भई गएको भूकम्पका कारण पीडितहरूलाई राहत उपलब्ध गराउन २५ हजार २५ रुपैयाँ नेपाल जेसीज मार्फत पठाएको छ ।

जेसीज सदस्यहरूको सक्रियतामा स्थानीय स्तरमा संकलन गरी नेपाल जेसीज मार्फत भूकम्प प्रभावित जाजरकोट र रुकुम पश्चिम क्षेत्रमा पठाउनको लागि उक्त रकम नेपाल जेसीजको खातामा मंगलबार जम्मा गरिएको पालुङ जेसीज वर्ष २०२३ का कानुनी सल्लाहकार निरज रायमाझीले बताए ।
भूकम्प गए लगत्तै पालुङ जेसीजले स्थानीय स्तरमा संकलन गरी र जेसीजको विपत राहत कोषमा जम्मा भएको रकम पठाइएको कानुनी सल्लाहकार रायमाझीले बताए ।

मानवताको सेवा नै जीवनको सर्वोत्तम कार्य हो भन्ने जेसीजको नारालाई आत्मसाथ गर्दै भूकम्प पीडितहरूको घाउमा थोरै भएपनि मलम लगाउनको लागि पालुङ जेसीजले नेपाल जेसीज मार्फत सहयोग रकम पठाईएको पालुङ जेसीज वर्ष २०२३ का अध्यक्ष एवम् नेपाल जेसीज वर्ष २०२४ का लागि राष्ट्रिय उपाध्यक्ष पदका उम्मेद्वार संगम कार्कीले बताए ।