जाजरकोटको कुशे गाउँपालिकामा लागेको स्थानीय मेलामा युवाहरुबिच कुटाकुट हुँदा १ जनाको मृत्यु भएको छ। मृत्यु हुनेमा कुशे गाउँपालिका–२ का जनक शाही रहेको प्रहरीले जनाएको छ।

कुशे गाउँपालिका–२ को धौलाइमा लागेको स्थानीय मेलामा विवाद हुँदा युवाहरुको समूहबीच कुटाकुट भएको थियो। ३ जनाको समूहमा रहेका युवाहरुले शाहीलाई कुटपिट गरेका थिए।

कुटपिटबाट शाहीको शुक्रबार राति मृत्यु भएको जिल्ला प्रहरी कार्यालय जाजरकोटले जनाएको छ।  घटनाका सन्दर्भमा थप अनुसन्धान भइरहेको प्रहरीले जनाएको छ।