मकवानपुर प्रहरीले हेटौंडा–१९, बस्तीपुरबाट लागूऔषध कारोबारीलाई पक्राउ गरेको छ ।

गत  शनिबार राती १० बजेको समयमा विशेष सूचनाको आधारमा प्रहरीले छापा मार्दा डेरा गरी बस्ने २१ वर्षीय सन्तेन लामाको कोठाबाट प्रहरीले लागूऔषध बरामद गरेको हो ।

प्रहरी चौकी लेवटबाट प्रहरी सहायक निरीक्षक लक्ष्मण बिकको कमान्डमा खटिएको टोलीले लामाको कोठाबाट लागूऔषध स्टेगन ४७ पत्ता १७ ट्याब्लेट (४८७ ट्याब्लेट), ट्रामाडोल १४ पत्ता २ ट्याब्लेट (१४२ ट्याब्लेट)सहित नगद १५ हजार दुई सय रुपैयाँ र थान एक मोबाइल बरामद गरेको जनाएको छ ।

बरामद लागूऔषधसहित प्रहरीले लामालाई हिरासतमा राखी अनुसन्धान गरिरहेको छ ।