झापामा ९ वर्षीया बालिकालाई बलात्कार गरेको आरोपमा एक जना पक्राउ परेका छन् ।

पक्राउ पर्नेमा हल्दिबारी गाउँपालिका ४ वडावारी तामाङ बस्तीका ४५ वर्षीय डिल्लीकुमार श्रेष्ठ रहेका छन् । उनलाई प्रहरीले मंगलवार साँझ पक्राउ गरेको हो ।

प्रहरीका अनुसार श्रेष्ठले ती बालिकालाई सोमवार राति घरमा कोही नभएको बेला बलात्कार गरेका थिए । घटनाबारे प्रहरीमा उजुरी परेपछि जिल्ला प्रहरी कार्यालय झापाबाट खटिएको प्रहरीले उनलाई पक्राउ गरेको हो ।

थप अनुसन्धान भइरहेको प्रहरीले जनाएको छ ।