मकवानपुरमा आफ्नै भाईले दाजुमाथि खुकुरी प्रहार गरेका छन्।

जिल्लाको बागमती गाउँपालिका वडा नम्बर–९ बेतिनीमा ४७ बर्षीय जिवन बहादुर तुम सिंहले आफ्नै ४८ बर्षीय दाई अशोक तुम सिहंलाई खुकुरी प्रहार गरेका छन्।  आइतबार राति भाईको खुकुरी प्रहारबाट अशोक घाइते भएको जिल्ला प्रहरी कार्यालय मकवानपुरले जनाएको छ।

भाईले प्रहार गरेको खुकुरीले लागेर अशोकको घाटी र दाहिने हातमा चोट लागेको र हेटौंडा अस्पतालमा उपचार भइरहेको प्रहरीले जनाएको छ। खुकुरी प्रहार गर्ने जिवन फरार रहेको खोजी कार्य भइरहेको मकवानपुर प्रहरीले जनाएको छ।