दार्चुलाको नौगाड गाउँपालिकामा खर काट्ने क्रममा भिरबाट लडेर घाइते भएकी महिलाको ज्यान गएको छ ।

आज शुक्रवार दिउँसाे खर काट्ने क्रममा लडेर नाैगाड–१ दल्याडकी ३२ वर्षीया रेपती ठगुन्ना घाइते हुनुभएकाे थियाे । उहाँलाई उपचारका लागि अस्पताल लैजाँदै गर्दा ज्यान गएकाे प्रहरीले जनाएकाे छ ।

मृतक ठगुन्नाका श्रीमान्, दुई छाेरा र दुई छाेरी छन् । उहाँका छाेरीहरू कक्षा ५ र ३ तथा छाेराहरू कक्षा २ र १ मा अध्ययनरत छन् ।

अहिले दार्चुलामा खर काट्ने चटारो छ । घाँस काट्ने क्रममा भिरबाट लडेर बर्सेनि स्थानीयले अनाहकमा ज्यान गुमाउँदै आएका छन् ।