हेटौंडा / मकवानपुरको बकैया गाउँपालिका वडा नम्बर–५ तीनतले स्थित धरानचतरा सडकखण्डमा दूध बोक्ने ट्याङ्कर दुर्घटना हुँदा एक जनाको मृत्यु भएको छ ।

हेटौंडाबाट छतिवन तर्फ जादै गरेको ना १ घ ५४४ नम्बरको दूध बोक्ने खाली ट्यांकर आफै अनियन्त्रित भई रोडबाट एक सय मिटर तल खोल्सामा खसी दुर्घटना हुँदा एक जनाको मृत्यु भएको छ भने अर्का एक जना घाइते भएका छन् ।

दुर्घटनामा ट्याङ्कर चालक  हेटौंडा–९ बस्ने ३४ वर्षीय सिद्धान्त लामाको मृत्यु भएको जिल्ला प्रहरी कार्यालय मकवानपुरले जनाएको छ ।

दुर्घटनामा घाइते भइ उनको हेटौंडा अस्पतालमा उपचारका क्रममा मृत्यु भएको हो । यसैगरी सहचालक जिल्ला धादिङ गजुरी गाउँपालिका बस्ने ४५ वर्षका प्रेम अधिकारी घाइते भएका छन् ।