निकास साप्ताहिक, रेडियो सन्देश र थाहा नेपालको वार्षिक उत्सवको अवसरमा थाहाका पत्रकार शम्भु अधिकारी रामचन्द्र स्मृति सिर्जनशील पत्रकारिता पुरस्कारबाट सम्मानित भएका छन् । 

विगत २० वर्ष देखि निरन्तर रूपमा मकवानपुर बाट प्रकाशित हुँदै आइरहेको जनमुखी मिडिया प्रालिले प्रकाशन गर्ने निकास साप्ताहिक, रेडियो सन्देश तथा थाहा नेपाल डट कमको अवसरमा प्रदान गर्ने रामचन्द्र स्मृति सिर्जनशील पत्रकारिता पुरस्कार  २०८०   थाहापाटीका कार्यकारी सम्पादक अधिकारीलाई प्रदान गरेको हो । 

अधिकारीले थाहा नगरमा रहेर पत्रकारिताको माध्यमबाट मकवानपुरको समग्र विकासमा  सहयोग गरेकाले पत्रकारिता पुरस्कारबाट सम्मान गरिएको आयोजकले जनाएको छ ।  असोज १५ गते हेटौंडामा आयोजित वार्षिक उत्सव समारोहमा प्रमुख अतिथि नेपाल सरकारका उपप्रधान तथा गृहमन्त्री नारायणकाजी श्रेष्ठ र जनमुखी मिडियाका अध्यक्ष सुनिल खड्काले प्रदान गरेका हुन।