फुटबल म्याचमा गोली हानाहान

पालिका डायरी
९ भाद्र २०८०, १६:५९
फुटबल म्याचमा गोली हानाहान

अमेरिकामा गोली हानाहानका घटना रोकिने नाम लिइरहेका छैनन् । पछिल्लो घटना ओक्लाहोमा हाई स्कूलको हो, जहाँ एक फुटबल खेलमा चार जनालाई गोली हानिएको थियो।

न्यूयोर्क पोस्टका अनुसार घटना स्थानीय समय अनुसार राति करिब १०ः३० बजे भएको थियो, जब चोक्टो हाई स्कूल र डेल सिटी हाई स्कूलबीच खेल चलिरहेको थियो।

प्रहरी प्रमुख केली मार्शलले घटनाका सम्बन्धमा शुक्रबार राति भएको गोली हानाहानमा चारजना घाइते भएको र उनीहरुलाई उपचारका लागि अस्पताल भर्ना गरिएको बताए । प्रहरीका अनुसार घाइतेमध्ये एक विद्यार्थी रहेका छन् । मार्सलका अनुसार घाइतेमध्ये तीन जनाको अवस्था चिन्ताजनक रहेको छ जबकी एकजना घाइते खतरामुक्त छन् ।

डेल सिटीका प्रहरी प्रमुख लोयड बर्गरले पत्रकारहरूसँगको कुराकानीमा भने,  ‘मलाई थाहा छ हाम्रा एक अधिकारी यसमा संलग्न छन्, जसको अनुसन्धान भइरहेको छ ।” यससँगै उनले भने, ‘जहाँसम्म मलाई थाहा छैन उनी को हुन् ? हिर्काए वा के गरे ? उनले घटनापछि संदिग्ध घटनास्थलबाट फरार रहेको र अझै नियन्त्रणमा नआएको बताए । तर, उनीहरूको खोजी जारी छ ।

प्रतिक्रिया