कैलाशमा चेपाङको घर जलेर पुर्णरुपमा नष्ट
![आगलागीबाट ३ घर नष्ट हुँदा ५० लाखको क्षति](https://www.palikadiary.com/wp-content/uploads/2022/03/aagolagi-at-Fungling-1.webp)
हेटौंडा / कैलाश गाउँपालिका–७ सर्सी टोलका फुलबहादुर चेपाङको दुई तले घर जलेर पुर्णरुपमा नष्ट भएको छ ।
बुधबार दिउँसो ३ बजे आगलागि हुँदा घरमा भएको खाद्यान्न र लत्ताकपडा समेत सबै जलेको वडा नम्वर ७ का वडाध्यक्ष उदाश कुमार भ्लोनले जानकारी दिनुभयो । बाटो र पानीको सहज स्रोत नभएको कारण आगो नियन्त्रणमा लिन नसकिएको उहाँले बताउनुभयो । जंगलको डढेलोबाट उडेर आएको झिल्कोका कारण आगलागी भएको हुनसक्ने अनुमान गरिएको छ ।
आगलागिबाट अनुमानित ७ लाख रुपैंया बराबरको क्षती भएको हुनसक्ने वडाध्यक्ष भ्लोनले जानकारी दिनुभयो । पीडित चेपाङको परिवारलाई गाउँपालिकाको तर्फबाट तत्काल लत्ताकपडा, खाद्यान्न, भाँडाकुँडा र त्रिपाल उपलब्ध गराइने उहाँले बताउनुभयो ।
प्रतिक्रिया