हेटौंडा / मकवानपुरको हेटौंडामा ३३ करोड लगानीमा सुविधा सम्पन्न होटल स्मारक आज देखि सञ्चालमा आउने भएको छ ।
होटल स्मारक प्रा.लि.ले हेटौंडा-११ नवलपुरको पर्यटकीय क्षेत्र सहिद स्मारक नजिकै सञ्चालनमा ल्याउन लागेको हो । होटल निर्माण सम्पन्न गर्न ३३ करोड लगानी रहेको सञ्चालक समितिका होटल सञ्चालक बालकृष्ण बजगाईंले जानकारी दिए ।

सोमबार होटलमा पत्रकार सम्मेलन गारेर उनले १२ कट्ठा ११ धुर क्षेत्रफलमा फैलिएको होटलमा ३५ सयदेखि १८ हजार रुपैयाँसम्मका कोठा उपलब्ध रहेको बताए । उनले स्मारकमा आउने पर्यटकलाई लक्षित गरी होटल सञ्चालनमा ल्याउन लागिएको पनि बताए । होटल आज कात्तिक २ गतेबाट औपचारिक रुपमा उद्घाटन गरेर सञ्चालनमा आउने बताइएको छ ।

तीन सय जना क्षमताको बेन्क्युट हल र १५० जना क्षमताको कन्फ्रेन्स हल सहितको सुविधा सम्पन्न रहेको होटलमा स्वीमिङ पुल र पार्किङको राम्रो सुविधामा गरिएको होटल संचालक बजगाइले जानकारी दिए ।