हेटौंडा ।  देशभर कोरोना संक्रमण बढिरहेको अवस्थामा मकवानपुरमा पनि पछिल्लो दिनहरुमा कोरोना संक्रमण पुष्टि हुनेको संख्या बढेको छ । जिल्लामा पछिल्लो २४ घण्टामा थप २० जनामा संक्रमण पुष्टि भएको स्वास्थय कार्यलय मकवानपुरले जनाएको छ ।

आज सोमबार जिल्लामा ४२ जनामा पिसिआर र ४३ जनामा एन्टीजेन विधिबाट परीक्षण गर्दा क्रमशः १३ जना र ७ जनामा गरेर २० जनामा कोरोना पुष्टि भएको हो ।पुष्टि हुनेहरुमा १३ जना हेटौंडा उपमहानगरपालिका भित्रका र ७ जना मनहरी गाउँपालिका भित्रका रहेको कार्यलयले जनाएको छ । यो संगै जिल्लामा सक्रिय संक्रमितको संख्या ७९ जना पुगेको छ ।

जिल्लामा सोमबार थप २ जना संक्रमितले संक्रमणलाई जितेका छन् । जिल्लामा हालसम्म कोरोनाको कारण १ सय ६७ जनाको मृत्यु भएको छ ।