मनास्लु हिमाल आरोहणका लागि आएका एक विदेशी नागरिकको मृत्यु भएको छ ।

मनास्लु आरोहणका क्रममा सिंगापुर आरोही ५० वर्षीय लाउ वी सेङको मृत्यु भएको जिल्ला प्रहरी कार्यालयका प्रहरी नायब उपरीक्षक राजकुमार श्रेष्ठले बताए । उत्तरी गोरखाको चुमनुब्री गाउँपालिका-१ सामागाउँस्थित मनास्लु हिमालको दोस्रो शिविरबाट आधारशिविर फर्कने क्रममा सेङको मृत्यु भएको श्रेष्ठले जानकारी दिए ।

उनी यही भदौ २२ गते मनास्लु आरोहणका लागि सामागाउँ पुगेका थिए ।