हेटौँडालाई राजधानी काठमाडौँसँग जोड्ने छोटो दूरीको कान्तिलोकपथको बागमती नदीको पुल बाढीले भत्काएको छ ।

मकवानपुरस्थित भीमफेदी गाउँपालिका ८ बगुवामा पर्ने बागमती नदीको पक्की पुल बाढीले भत्काएको हो । बगुवा मकवानपुर र ललितपुरको सीमा क्षेत्रमा पर्छ ।

विगत दुई दिन देखिको अविरल वर्षाका कारण आएको बाढीले बागमती पुलमा क्षति पुर्याएको भीमफेदी गाउँपालिकाका अध्यक्ष हिदम लामाले जानकारी दिए ।