हेटौंडा / हेटौंडाको बसपार्कमा रहेको रत्‍न होटलमा एक युवती मृत अवस्थामा फेला परेकी छिन्।। मृतक २३ वर्षीया एलिसा न्यौपाने हेटौंडा-११ नवलपुरकी बासिन्दा भएको खुलेको छ।

प्रहरी नायब उपरीक्षक लक्ष्मी भण्डारीका अनुसार, एलिसा एक पुरुषसँग आइतबार राति होटलको कोठा नम्बर २०५ मा बसेकी थिइन्। बिहान अबेरसम्म कोठाबाट कोही नबाहिरिएपछि होटल कर्मचारीले प्रहरीलाई खबर गरेका थिए। प्रहरी, स्थानीय जनप्रतिनिधि र होटल सञ्चालकको टोलीले झ्यालबाट हेर्दा युवती ओछ्यानमा मृत अवस्थामा फेला परेकी थिइन्।

कोठा भित्रबाट बन्द गरिएको थियो। एलिसासँग आएका पुरुष राति नै होटलबाट निस्केका थिए र उनको खोजी जारी रहेको प्रहरीले जनाएको छ। शवको पोष्टमार्टम हेटौंडा अस्पतालमा गरिने र घटनाको थप अनुसन्धान भइरहेको प्रहरीले बताएको छ।