हेटौंडा / हेटौंडा उपमहानगरपालिका वडा नं. ११ थानाभर्याङ्गमा आयोजित रक्तदान कार्यक्रममा ४७ जनाले रक्तदान गरेका छन्।

सामुदायिक सेवा केन्द्र र सामुदायिक प्रहरी सेवा केन्द्रको संयुक्त आयोजनामा भएको यस कार्यक्रममा नेपाल इकरात इन्जिनियरिङ कम्पनी प्रा. लि. को समन्वय रहेको थियो।

रक्तदाताहरूमा प्रहरी कर्मचारी, इकरात कम्पनीका कर्मचारीहरू र स्थानीय सर्वसाधारणहरू सामेल थिए। कार्यक्रमको अध्यक्षता सामुदायिक प्रहरी सेवा केन्द्र हेटौंडा ११ का अध्यक्ष देवकुमार श्रेष्ठले गर्नुभएको थियो।

यस कार्यक्रमले समुदायमा रक्तदानको महत्त्व बढाउन र आवश्यकता परेका बिरामीहरूलाई सहयोग पुर्‍याउन महत्त्वपूर्ण योगदान दिएको छ।