हेटौंडा / हेटौंडामा मोटरसाइकल दुर्घटना हुँदा तीन जना घाईते भएका छन् ।

शनिबार पूर्व -पश्चिम सडक खण्डमा मकवानपुरकाे नवलपुरबाट हेटौंडा तर्फ आँउदै गरेको बा. ७३ प ४१६६ नम्बरको ड्युक मोटरसाइकलले हेटौडाबाट स्मारक तर्फ जाँदै गरेको ना. ४३ प २०७० नम्बरको एफजेट  मोटरसाइकललाई ठक्कर दिई दुर्घटना भएको । दुर्घटनामा चितवनबाट हेटौंडा तर्फ आँउदै गरेको प्र.२–०३–००१ ख ६७०६ नम्बरको लहरी गाडी समेत सामेल रहेकाले थप अनुसन्धान भइरहेको बागमती प्रदेश प्रहरी कार्यालय हेटौंडाले जानकारी दिएको छ ।

दुर्घटनामा घाईतेहरुको चुरेहिल अस्पताल हेटौंडामा उपचार भैरहेको प्रहरीले जनाइएको छ । घाईते हुनेहरुमा मोटरसाइकल चालक मकवानपुर जिल्ला हेटौंडा ३ बसामाडी बस्ने २४ वर्षीय शिशिर रोक्का रहेका छन् । रोक्काको शरीरको बिभिन्न भागमा चोट लागेको तर अवस्था भने समान्य रहेको छ ।

त्यस्तै, अर्का मोटरसाइकल चालक मकवानपुरको मकवानपुरगढी गाउँपालिका ७ सुकौराका ४० वर्षीय चक्र बहादुर मोक्तानको भने दाहिने खुट्टा फ्याक्चर भएको छ । शरीरको बिभिन्न भागमा चोट लागेको र अवस्था  भने सामान्य रहेको प्रहरी जनाएको छ । सोही मोटरसाइकलको पछाडि सवार चक्र बहादुर मोक्तानको श्रीमती ३६ वर्षीय बिनु मायाँ मोक्तानकाे भने टाउको र अनुहारमा चोट लागेकोले अवस्था गम्भिर रहेको प्रहरीले जानकारी दिएको छ ।

दुर्घटनामा संलग्न मोटरसाइकल, लहरी गाडी, लहरी गाडीको चालक बारा जिल्ला जितपुर सिमरा उपमहानगरपालिका –२३ भलुवाहीका २५ वर्षीय फर्मुला देवान  जिल्ला प्रहरी कार्यालय मकवानपुरको नियन्त्रणमा रहेको प्रहरीले जानकारी दिएको छ ।