हेटौंडा / हेटौंडाको ४ नम्बर वडा स्थित नवोदय शिशु सदन इङ्लिस सेकेन्डरी स्कुलले दीक्षान्त समारोह कार्यक्रम गरेको छ ।

बालबालिका र अभिभावकको हौसला बढाउने उद्देश्यले यूकेजीका विद्यार्थीहरूको दीक्षान्त समारोह कार्यक्रम गरेको हो । प्राथमिक तहकी पूर्व संयोजक एलिसा जोशीको सभाध्यक्षतामा भएको कार्यक्रममा हेटौंडा स्कुल अफ म्यानेजमेन्टका प्राचार्य पुरण बहादुर जोशीको प्रमुख आतिथ्यता रहेको थियो । 

स्कुलले व्यवहारिक शिक्षामा जोड दिन साहित्य लेखन , खेलकुद प्रतियोगिता , साइन्स एक्जिबिसन ,संयुत राष्ट्रसंघको प्रतिनिधि कार्यक्रम , विभिन्न जातजातिका सामाजिक तथा सांस्कृतिक कार्यक्रम गर्दै आएको नवोदयका मावि तहका संयोजक सि.एम. रिमालले जानकारी दिए ।

कार्यक्रममा विद्यालय व्यवस्थापन समितिका सदस्य रामबाबु थापा , स्कुल का प्राचार्य मनोज थिङ , मावि तह शैक्षिक प्रमुख मन्चन तिवारी , प्राथमिक तह शैक्षिक प्रमुख सचिता पाण्डे लगायतकाको आतिथ्यता रहेको थियो ।