हेटौंडा / मकवानपुरको हेटौंडा उपमहानगरपालिका २ स्थित पुरानो मकवानपुर रोडमा पर्ने सडक मर्मत नहुँदा सास्ती खेप्न परेको स्थानीयले गुनासो गरेका छन् । विगत लामो समयदेखि निर्माणका लागि बाटो बन्द गरे पनि ठेकेदार कम्पनीले समयमै काम नगरिदिदाँ समस्या भएको स्थानीयले गुनासो गरेका हुन् ।

घर अगाडिको सडक महिनौं बित्दा पनि पिच नगरिएपछि धुलो उडेर समस्या भएको स्थानीय श्याम श्रेष्ठले बताए । पिच गर्नका लागि बाटो बन्द गरेर राखेको महिनौं हुँदा पनि ठेकेदार कम्पनीले वास्ता नगरेको र हेटौंडा उपमहानगरपालिकाले पनि त्यसमा तदारुकता नदेखाएको उनले बताए । घाम लागेको दिनमा बेलाबेलामा पानी नहाले घरभित्रै धुलो पसेर बस्नै नसकिएको उनको भनाइ छ ।

यही चैत मसान्तसम्म निर्माण गरिसक्नुपर्ने सडक नबन्दा परेको समस्यामा सरोकारवाला निकायहरुले नजरअन्दाज गरेको स्थानीयहरुले बताएका छन् ।