हेटौंडा / मनहरी गाउँपालिका वडा नम्बर–७ रमनटारमा बसले मोटरसाइकललाई ठक्कर दिँदा दुर्घटना भएको छ ।

पूर्व–पश्चिम सडक खण्डमा हेटौंडा तर्फबाट चितवनतर्फ गइरहेको बा.प्र.०२–०२१ प ९७०० नम्बरको मोटरसाइकललाई सोही दिशातर्फ जाँदै गरेको ना ६ ख ९५३७ नम्बरको बसले ओभरटेक गर्ने क्रममा दुर्घटना भएको बागमती प्रदेश प्रहरी कार्यालय हेटौंडाले जानकारी दिएको छ । 

दुर्घटनामा मोटरसाइकल चालक मनहरी गाउँपालिका –९ रजैया बस्ने २६ वर्षीय निरज मोक्तान रहेका छन् । मोक्तानको शरीरका विभिन्न भागमा चोट लागेको छ। उनको उपचारका लागि मनहरी अस्पतालमा लगिएको थियो मनहरी अस्पतालमा प्राथमिक उपचार पछि थप उपचारका लागि उनलाई भरतपुर चितवन रिफर गरिएको प्रहरीले जानकारी दिएको छ ।