हेटौंडा  / बकैया गाउँपालिका वडा नं.११ स्थीत सिरुडाँडामा बिहीबार सुमो र मोटरसाइकल एकआपसमा ठोक्किदा दुई जना घाइते भएका छन् ।

प्रहरीका अनुसार घाइते हुनेमा मोटरसाइकल चालक मकवानपुरढी गाउँपालिका वडा नं.२ धरमपानीका २८ वर्षीय एसबि तामाङ र सोही मोटरसाइकल पछाडी सवार गर्ने भिमफेदी गाउँपालिका वडा नं.२ भैसेका २२ वर्षीय अमन मोक्तान रहेका छन् ।

कान्तिलोकपथ सडकखण्डमा हेटौंडाबाट काठमाण्डौतर्फ जाँदै गरेको ना १ ज ८१६७ नम्बरको टाटा सुमो र बिपरित दिशातर्फ आउँदै गरेको ना ९ प ४१६९ नम्बरको मोटरसाइकल एकआपसमा ठक्कर खाँदा दुई जना घाइते भएको बागमती प्रदेश प्रहरी कार्यालय हेटौंडाले जानकारी दिएको छ ।