हेटौंडा / हेटौंडा उपमहानगरपालिका वडा नम्बर–११ थानाभर्याङ स्थित पूर्वपश्चिम सडक खण्डमा लागूऔषध गाँजा सहित दुई जनालाई प्रहरीले पक्राउ गरेको छ । 

मनहरी तर्फबाट वीरगन्ज तर्फ जाँदै गरेको ना ६ ख १५८६ र सोही दिशाबाट आँउदै गरेको ग ७ ख २२४० नं को यात्रुबाहक बसलाई रोकी चेकजाँच गर्ने क्रममा दुईजनालाई गएराती पक्राउ गरिएको जिल्ला प्रहरी कार्यालय मकवानपुरले जनाएको छ ।

उनीहरूको साथबाट १० केजी ३५० ग्राम गाँजा फेला पारी अनुसन्धान तथा सोधपुछको लागी नियन्त्रणमा लिइएको प्रहरीले जनाएको छ । पक्राउ पर्नेमा १५८६ नम्बरको बसमा सवार पर्सा मधुवन गाउँपालिका वडा नम्बर–२ बस्ने ४० वर्षीय सलामा खातुन र ना २ ख २२४० नम्बरको बसमा सवार हेटौंडा–१५ बस्ने ३२ वर्षिय सामुएल प्रजालाई पक्राउ गरिएको हो ।