मकवानपुर प्रहरीले लागु औषध ब्राउन सुगर जस्तो देखिने पदार्थ सहित दुईजनालाई पक्राउ गरेको छ ।

प्रहरीले हेटौंडा १० भुटनदेवी रोडबाट हेटौंडा ५ स्थायी घर भई हेटौंडा ११ नवलपुर बस्ने ३१ वर्षको दिपेन्द्र सुनार र बागमती गाउँपालिका ६ की २१ वर्षकी रुपा सुनारलाई पक्राउ गरेको हो ।

उनिहरुको साथबाट १२ ग्राम ७० मिलि ग्राम खैरो हेरोईन जस्तो देखिने पदार्थ बरामद गरिएको जिल्ला प्रहरी कार्यालय मकवानपुरले जनाएको छ ।

पक्राउ गरिएको दुवैजनाको बारेमा थप अनुसन्धान जारी रहेको प्रहरीको भनाई छ ।