गाँजासहित दुई जना  पक्राउ परेका छन्। पक्राउ पर्नेमा क्षिरेश्वरनाथ ७ बस्ने ५० वर्षीय राज कुमार महतो र वडा नं। ५ बस्ने ३५ वर्षीय मनोज कुमार पण्डित रहेको जिल्ला प्रहरी कार्यालय धनुषाले जनाएको छ ।

बिहीबार राति क्षिरेश्वरनाथ नगरपालिका ५ जनकपुरधाम–ढल्केबर सडक खण्डमा प्रतिबन्धित लागुऔषध गाँजा प्रदेश २–०२–००१ प ०६२४ नम्बरको मोटरसाईकलमा लुकाई छिपाई ढल्केवरबाट जनकपुरधामतर्फ लगी रहेको सूचनाको आधारमा दुईजनालाई नियन्त्रणमा लिएको प्रहरी प्रवक्ता प्रहरी नायव उपरीक्षक वेदप्रसाद गौतमले जानकारी दिए ।

प्रहरीले उनीहरुले बोकेको झोलाबाट ९ केजी गाँजा बरामद गरेको छ । जिल्ला अदालत धनुषाबाट लागूऔषध मुद्दा शीर्षकमा १० दिनको म्याद लिई थप अनुसन्धान थालेको जिल्ला प्रहरी कार्यालयले जनाएको छ ।