हेटौंडा / भीमफेदी गाउँपालिका वडा नम्बर दुई मा रहेको श्री कृष्ण माध्यमिक विद्यालयमा राष्ट्रिय बालदिवस २०८० को अवसरमा विविध कार्यक्रम सम्पन्न भएको छ ।

बालबालिकामा लगानी , सुनिश्चित भविष्यको थालनी भन्ने मूल नाराका साथ  कृष्ण बालक्लब भैसेको आयोजनामा चम्चा दौड, म्युजिकल चेयर, भलिबल, बेलुन डान्स सहित विभिन्न कृयाकलाप गरिएको श्री कृष्ण माध्यमिक विद्यालयका शिक्षक तथा सूचना अधिकारी कृष्ण पौडेलले जानकारी दिए ।

कार्यक्रम पश्चात् सहभागीलाई पुरस्कार बितरण गर्दै कार्यक्रमको प्रमुख अतिथि तथा भीमफेदी गाउँपालिका वडा नम्बर दुई का वडा अध्यक्ष काशिराम बज्यूले यस्ता खाले अतिरिक्त क्रियाकलापले विद्यार्थी भाइबहिनीहरूमा थप ज्ञान आर्जन हुने भएकोले आयोजक बाल क्लबका भाइबहिनीहरूलाई धन्यवाद व्यक्त गरे । अध्यक्ष बज्यूले यस्ता खाले कार्यक्रमलाई वडाले पनि सकारात्मक ढंगबाट हेरिएको बताएका छन् । कार्यक्रममा श्री कृष्ण माध्यमिक विद्यालयका शिक्षक शिक्षिका लगायत विद्यार्थीहरूको उपस्थित रहेको थियो ।