पूर्वपश्चिम राजमार्ग अन्तर्गत हेटौंडाबाट वीरगञ्जतर्फ जाँदै गरेको सुमोबाट बुधबार बिहान लागुऔषध गाँजासहित दुई जनालाई पक्राउ गरेको छ ।

विशेष सूचनाको आधारमा प्रहरी चौकी रातोमाटे र सशस्त्र प्रहरी बलबाट खटिएको टोलीले हेटौंडा उपमहानगरपालिका–१५ रातोमाटेबाट पक्राउ गरेको हो ।

पक्राउ पर्नेहरुमा चितवन भरतपुर महानगरपालिका–२४ बस्ने ३३ वर्षीय संगम गुरूङ र बारा सुवर्ण गाउँपालिका–२ कबहिगोठ बस्ने १५ वर्षीय किशोर रहेका छन् ।

प्रहरीका अनुसार ना.१ ज ३६७७ नम्बरको सुमोको सिटमुनी ४ वटा पोकामा लुकाई राखेको अवस्थामा ३० केजी गाँजा फेला परी चालक संगम र सुमोमा सवार किशोरलाई पक्राउ गरेको हो ।

घटनाका सम्बन्धमा प्रहरीले थप अनुसन्धान गरिरहेको जनाएको छ ।