घाँस काट्न जाँदा खोलाले बगाएर बेपत्ता भएका आमा छोराको शव फेला परेको छ । सिन्धुलीको हरिहरपुरगढी गाउँपालिका–६ रागेचुरीका आमाछोराको शव फेला परेको हो ।

घाँसको भारी लिएर घर फर्कंदै गर्दा खोला पार गर्ने क्रममा स्थानीय खड्कुले खोलाले उनिहरुलाई बगाएको थियो । खोलाले बगाएका छोरा २८ वर्षीय राजकुमार गोले र आमा ५७ वर्षीय मायाकुमारी गोलेको शव फरक फरक स्थानमा फेला परेको हो ।

छोराको शव  हरिहरपुरगढी गाउँपालिका–६ को क्यानखोला र खड्कुले खोलाको दोभानमा फेला परेको तथा आमाको भने रौतहटको बागमती किनारमा आइतबार बिहान फेला परेको प्रहरीको भनाई रहेको छ ।