हेटौंडा / मकवानपुरको हेटौंडा उपमहानगरपालिका वडा नं.१० बसपार्कबाट लागुऔषध गाँजा सहित दुई जना पक्राउ परेका छन् । पक्राउ पर्नेहरुमा धनुषा सागरनाथ नगरपालिका–८ बस्ने ४३ बर्षीय देब नारायण दास र सिराहा कर्जनहा नगरपालिका–८ बस्ने ४२ बर्षीय राम सागर साह रहेका छन् ।

जिल्ला प्रहरी कार्यालय मकवानपुरबाट खटिएको टोलीले मंगलबार विहान हेटौंडाबाट जनकपुरतर्फ जादै गरेको ना५ख २१६५ नम्बरको बसमा सवार दास र साहलाई ९ किलो लागुओषध गाँजा सहित पक्राउ गरेको हो ।

सादा पोशाकको प्रहरी टोलिले चेकजाँच गर्ने क्रममा उनीहरुले पछाडी भिर्ने कपडाको कालो झोला भित्र लुकाई छिपाई ल्याएको उक्त लागुऔषध फेला परेको जिल्ला प्रहरी कार्यालय मकवानपुरका प्रवक्ता एवं प्रहरी नायव उपरीक्षक टेक बहादुर कार्कीले बताए । दासबाट ३० हजार नगद समेत बरामद गरिएको उनले बताए ।

उनीहरुमाथि अनुसन्धान भईरहेको प्रहरीले जनाएको छ ।