पेस्तोलसहित भारतबाट नेपाल आउँदै गरेका दुई युवक समातिए

पालिका डायरी
३ भाद्र २०८०, १५:०२
पेस्तोलसहित भारतबाट नेपाल आउँदै गरेका दुई युवक समातिए

भारतबाट पेस्तोल बोकेर नेपाल छिरेका दुई युवकलाई सशस्त्र प्रहरी बलको टोलीले पक्राउ गरेको छ।

एकथान अटोमेटिक पिस्तोल र अर्को घरेलु हतियार बोकेर रातिको बेला नेपाल आउँदै गरेका ती दुई युवा समातिएका हुन्।

सशस्त्र प्रहरीको बोर्डर आउट पोस्ट (बीओपी) संग्रामपुरले शनिबार राति सर्लाहीको हरिपुर्वा नगरपालिका–६ का प्रकाश यादव र जीवन राय यादवलाई पक्राउ गरेको हो।

सशस्त्र प्रहरी बलका सहप्रवक्ता डीएसपी शैलेन्द्र थापाका अनुसार उनीहरू बीआर १९ जीए ४१४१ नम्बरको मोटरसाइकलमा पर्सा गाउँपालिका–६ हुँदै नेपाल आउँदै थिए ।

उनीहरुको साथबाट दुईवटा पेस्तोल र गोलीसँगै ११ हजार ६८० तथा भारतीय बैंकको एटीएम कार्ड पनि बरामद गरिएको छ।

प्रतिक्रिया