सोमबार बिहान हुम्लाको सिमिकोट हुँदै हिल्सा जान लागेको जिप कर्णाली नदीमा खस्यो । २२२६ प्रदेश ३ नम्बरको उक्त जिप च्याछहरा भीरमा उकालो चढ्दै गर्दा कर्णालीमा खसेको थियो ।

नदीमा खस्दा चालक जनकपुरका राजेश हेम्जोङ लामा गम्भीर घाइते भएका छन् । जिपमा चालकसहित १३ जना यात्रु थिए । उकालो चढ्दै गर्दा चालकले भने १२ जना यात्रुलाई झारेर उकालोमा गाडी लिने प्रयास गरेका थिए । जिल्ला प्रहरी कार्यालय हुम्लाका प्रहरी प्रमुख डीएसपी भिमलाल भट्टराई भन्छन्, ‘गाडी कर्णालीमा खस्दा चालक गम्भीर घाइते भएका थिए तर, अहिले उनको मृत्यु भयो ।’

चालक जनकपुरका अन्दाजी २५ वर्षीय राजेश हेम्जोङ लामा हुन् । ‘चालक बचेको भए मैले सम्मान गर्ने भनेको थिएँ,’ डीएसपी भट्टराईले रातोपाटीसँग भने,‘ १२ जना यात्रुलाई बचाएर आफू बाँच्न सकेन, दुःख लाग्यो ।’