हेटौंडा / मकवानपुर प्रहरीले लागूऔषधसहित गएराति एक जनालाई पक्राउ गरेको छ ।

प्रहरीले मनहरी गाउँपालिका वडा नम्वर ६ खैरधारीबाट लागूऔषध अफिम एक किलोसहित ४० वर्षीय नर मान घिसिङलाई पक्राउ गरेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।

उनका अनुसार, गएराति ११ः४० बजेको समयमा घिसिङको घरको भान्सा कोठामा कालो झोलामा प्लास्टिकले बेरी लुकाई छिपाई राखेको उक्त परिमाणको अफिम बरामद गरेपछि निजलाई पक्राउ गरिएको हो ।