प्रहरीले लागूऔषधसहित आज बिहान दुई जनालाई पक्राउ गरेको छ । प्रहरीले हेटौंडा उपमहानगरपालिका वडा नम्वर १० बसपार्कबाट लागूऔषध कोडिविल ५० बोतलसहित दुई जनालाई पक्राउ गरेको हो ।

पक्राउ पर्नेहरुमा बाराको निजगढ नगरपालिका वडा नम्वर ७ बस्ने २८ वर्षीया सुस्मा तिमल्सिना र हेटौंडा उपमहानगरपालिका वडा नम्वर ८ कमाने बस्ने ३८ वर्षीय जगबहादुर तामाङ रहेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।

प्रहरी नायव उपरीक्षक कार्कीका अनुसार, बिहान ५ः०० बजेको समयमा हेटौंडा–१० बसपार्कस्थितमा रहेको रोशन होटलको ५०४ नं. रुममा लागूऔषध बिक्रिबितरण भईरहेको भन्ने विशेष सूचनाको आधारमा पुगेको प्रहरी टोलीले चेकजाँच गर्ने क्रममा उक्त रुमभित्र प्लाष्टिकको जेब्रा झोला भित्र लुकाई छिपाई राखेको सो परिमाणको लागूऔषध फेला पारी निजहरुलाई पक्राउ गरिएको हो ।

साथै प्रहरीले उनीहरुले प्रयोग गरेको ना ३७ प ६७०३ नम्वरको मोटरसाइकल पनि बरामद गरेको छ । पक्राउ परेका उनीहरुमाथि आवश्यक अनुसन्धानका साथै कानूनी प्रकृया अगाडि बढाइएको जनाइएको छ ।