मकवानपुरको बागमती गाउँपालिका वडा नम्वर १ बोटगाउँ लालभित बस्ने ५५ वर्षीया सन्तबिर सिंतान रुखबाट लडेर मृत्यु भएको छ ।

बिहीबार बिहान साढे ११ बजेको समयमा घर नजिक बारीमा रहेको असनको रुखमा घास झार्ने क्रममा लडेर सिंतानको मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।

प्रहरी नायव उपरीक्षक कार्कीका अनुसार, रुखबाट लडेर शरिरको विभिन्न भागमा चोट लागी गम्भीर घाइते भएका उनलाई उपचारको लागि हेटौंडा अस्पतालमा लगिएको थियो । उनको उपचारको क्रममा बिहीबार दिउँसो २ः१० बजेको समयमा मृत्यु भएको हो ।

उक्त घटनाको बारेमा आवश्यक अनुसन्धान भइरहेको जनाइएको छ