हेटौंडा / बागमती प्रदेश्को उपसभामुखमा नेकपा एमालेकी अप्सरा चापागाईं विजयी भएकी छन् । सोमबार प्रदेश सभा सचिवालयमा भएको निर्वाचनमा सत्ता गठबन्धनकी साझा उम्मेदवार चापागाईं निर्वाचित भएकी हुन् ।

तीनजनाको उम्मेदवारी दर्ता भएकोमा चापागाईंले ६१ मत प्राप्त गर्दै उपसभामुखमा निर्वाचित भएकी हुन् ।
उपसभामुखमा निर्वाचित भएपछी उनले आफूले पाएको मतको कदर गर्ने बताइन् ।

उपसभामुखको लागि एमालेकी चापागाईं, काङ्ग्रेसकी सुना परियार र नेमकिपाकि गीता काफ्लेले उम्मेदवारी दर्ता गरेका थिए । निर्वाचित चापागाईं ललितपुरबाट समानुपातिकमा निर्वाचित भएकी हुन्

उनले एमालेको २७, माओवादीको २१, राप्रपाको १२ र हाम्रो नेपाली पार्टीको २ गरि मत प्राप्त गरेकी हुन् । ११० प्रदेश सभा सदस्य रहेकोमा १०८ संसदको उपस्थिति रहेको थियो ।

नवनिर्वाचित उपसभामुख चापागाईंको सपथ भोलि मंगलबार हुने प्रदेश सभा सचिव कृष्णहरि खड्काले जानकारी दिए ।