अर्थतन्त्र सकारात्मक बन्दै गइरहेकाे छ, निजी क्षेत्र हतोत्साहित हुनुपर्ने अवस्था छैन : मुख्यसचिव बैरागी

पालिका डायरी
२५ पुष २०७९
अर्थतन्त्र सकारात्मक बन्दै गइरहेकाे छ, निजी क्षेत्र हतोत्साहित हुनुपर्ने अवस्था छैन : मुख्यसचिव बैरागी

काठमाण्डाै / नेपाल सरकारका मुख्यसचिव शंकरदास बैरागीले निजी क्षेत्र हतोत्साही हुनुपर्ने अवस्था नरहेको बताउनुभएको छ ।  सोमवार आज काठमाण्डौमा भएको ग्लोबल आईएमई बैंक र बैंक काठमाण्डूबीचको एकीकृत कारोबार सुरु भएको उपलक्ष्यमा आयोजित कार्यक्रममा बोल्दै उहाँले यस्तो बताउनुभएको हो । उहाँले देशको अर्थतन्त्र निरन्तर सकारात्मक बन्दै गइरहेकाले निजी क्षेत्र लगानी गर्नका लागि आत्तिनु नपर्ने बताउनु भयो ।

मुख्यसचिव बैरागीले पछिल्लो समय अर्थतन्त्रमा सकारात्मक संकेत देखापरेको बताउनु भयो । उहाँले अर्थतन्त्रका सूचकहरुमा समेत सुधार हुँदै गइरहेको अवस्थामा बैंकहरु मर्जर भइ देशकै ठूलो बैंक बनेको ग्लोबल आईएमई बैंकको कारोबारपछि सूचकमा झनै राम्रो हुने बताउनु भयो । उहाँले निजी क्षेत्रलाई सरकारको साथ सदैव रहेको भन्दै सरकार निजी क्षेत्रको मनोबल कसरी बढाउने भन्नेबारेमा लागिपरेको बतउनु भयो । उहाँले वर्तमान सरकारको प्राथमिकतामा नै अर्थतन्त्र परेकाले निजी क्षेत्रले आफ्नो मनोबल बढास्र एक जुट भइ काम गर्न आवश्यक रहेको बताउनु भयो ।

उहाँले भन्नुभयो, ‘अर्थतन्त्रमा सकारात्मक संकेत देखापरेका छन्, सूचकहरुमा सुधार आएको छ । यो मर्जरले सूचकमा राम्रो गर्नेछ । निजी क्षेत्र हतोत्साही हुनुपर्ने स्थिति छैन । सरकारले साथ दिनेछ, दिँदै आएको छ । निजी क्षेत्रको मनोबल कसरी अघि बढाउने भन्नेमारेमा प्रधानमन्त्रीको प्राथमिकता छ । निजी क्षेत्रले मनोबल उठाएर एक जुट भइ काम गर्ने हो भने लगानी प्रवर्द्धन गर्नेकुरामा इच्छित कुरा प्राप्त गर्नेछौँ ।’

मुख्यसचिव बैरागीले निजी क्षेत्रहरु एकजुट भइ काम गर्ने हो भने लगानी गर्ने कुरामा सोचेको परिणाम प्राप्त हुने बताउनु भयो ।

 

प्रतिक्रिया
shankhar_eVe6E7XiHz