हेटौंडा / मकवानपुर क्षेत्र नम्बर–२ मा नेकपा एमालेका तर्फबाट उम्मेदवार तथा एमाले बागमती प्रदेशका उपसचिब महेश कुमार बर्तौलाले आज मतदान गरेका छन् ।

एमालेको तर्फ बाट प्रतिनिधि सभा सदस्य उम्मेदवार बर्तौलाले भिमफेदी गाउँपालिका वडा नम्बर–९, बाघमारा बाख्रा फार्म मतदान केन्द्रबाट मतदान गरेका हुन् ।

आज बिहान साढे १० बजे उनले मतदान गरेका हुन् । सबै मतदाताहरुलाई आफ्नो मत अधिकारको प्रयोग गर्न उनले आग्रह गरेका छन् । मकवानपुर जिल्लाका दश वटै स्थानीय तह र क्षेत्र नम्बर २ का मताधिकार रहेका सबै नागरिकले मतदान गर्नका लागि बतौलाले आग्रह गरेका छन् ।