हेटौंडा / नेकपा एमालेका प्रतिनिधीसभा सदस्य उम्मेदवार कमल थापा एवं प्रदेश सभाका उम्मेदवार एकालाल स्रेष्टले आज हेटौडा ७ मा घरदैलो सम्पन्न भएको छ । घरदैलो कार्यक्रममा दुवै जना उम्मेदवारले आफुहरुलाई जिताएमा यस क्षेत्रमा विकासको काम तिब्र गतिमा अगाडी बढाउने प्रतिवद्धता व्यक्त गर्नु भएको छ ।

उक्त घरदैलो कार्यक्रममा उम्मेदवारहरुले आफुले जिते वडाको समग्र विकासलाई निरन्तरता दिने बताएका छन् । गुणस्तरीय शिक्षा, प्रत्येक व्यक्तिलाई खेलकुद संग जोडने, प्रत्येक कृषकले गुणस्तरीय उत्पादन गर्ने वातावरणको सिर्जना गर्ने, सडक र पूर्वाधार गुणस्तरीय हुने, बिद्युतीयकरण व्यवस्थापन गर्न भूमिगत बिद्युतीकरण गर्ने, सामुदायिक भवन निर्माण र जेष्ठ नागरिकको लागि दिवा सेवा भवन संचालन गर्ने बताए ।

वडाको शैक्षिक, खेलकुद, किशोरकिशोरी, बालबालिका, महिला, कृषि, स्वास्थ्य, भौतिक पूर्वाधार, साँस्कृतिक तथा पर्यटन विकासलाई प्राथमिकता दिएर काम गर्ने वताएका छन । साथ भूमिहिन सुकुम्वासीलाई लालपुर्जा दिने, जेष्ठ नागरिकलाई सम्मान र १० हजार लिटर सम्म पिउने पानी निःशुल्क गर्ने कुरा समेत वताएका छन ।