हेटौंडा / बकैया गाउँपालिका वडा नम्बर ५ तिनतले स्थित धरान चतरा सडक खण्डमा ब्रेक फेल हुदाँ दुर्घटना भएको छ । हेटौंडाबाट फापरबारी तर्फ गइरहेको प्रदेश २-०३-००१ ख ०८१४ नम्बरको टिफर चिप्स ढुङ्गा (सिलकट) बोकेको थियो ।

ओरालोमा ब्रेक फेल हुदाँ करिब सडक खण्डभन्दा १०/१२ मिटर तल खसेको प्रहरी सहायक निरिक्षक शिव नारायण कुँवरले बताए । दुर्घटनामा सवारी चालक सलार्ही जिल्ला इश्वरपुर नगरपालिका १२ निवासी सागर खड्का, सहचालक बारा जिल्ला निजगढ नगरपलिका ५ बस्ने धर्मप्रसाद चौलागाई घाइते भएका छन् ।

चालक खड्काको हेटौंडामा उपचार हुन नसकेपछि भरतपुर रिफर गरिएको जिल्ला प्रहरी कार्यालय मकवानपुरका प्रहरी नायव उपरिक्षक टेक बहादुर कार्कीले बताएका छन् ।