निर्वाचन आयोगले संघीय चुनाव एकै चरणमा गर्न सरकार समक्ष प्रस्ताव गरेको छ । आइतबार आयोगले प्रतिनिधिसभा र प्रदेशसभाको चुनाव अन्तर्गत आगामी कात्तिक २७ र मंसिर १० गते एकै चरणमा मतदान गर्नको लागि सरकार समक्ष दुई वटा मिति प्रस्तावित गरेको हो ।

सरकारले भने हालसम्म संघीय चुनाव कहिले गर्नेबारे ठोस निर्णय गरेको छैन् । आज प्रधानमन्त्री निवास बालुवाटारमा बसेको सत्ता गठबन्धनको बैठकमा प्रतिनिधिसभा र प्रदेशसभाको चुनावको मिति तय गर्ने विषयमा छलफल भएको थियो । यता आयोग भने संघीय चुनावको तयारीमा जुटिसकेको छ ।