भीमफेदी गाउँपालिकाका अध्यक्ष लामा सम्मानित
![सेना दिवसमा भीमफेदी गाउँपालिकाका अध्यक्ष लामा सम्मानित](https://www.palikadiary.com/wp-content/uploads/2022/03/274741382_373138574325851_4974907362651533513_n-992x622.jpg)
हेटौंडा / सेना दिवसको अवसरमा भीमफेदी गाउँपालिका अध्यक्ष हिदम लामालाई प्रधान सेनापति प्रंससा निशानबाट सम्मान गरिएको छ ।
नेपाली सेनाको भावनासंग जोडिएको ऐतिहासिक चिसापानी गढी पुर्ननिर्माण र संरक्षण कार्यमा तदारुकता देखाएको भन्दै सेना दिवसको अवसरमा अध्यक्ष लामालाई सम्मान गरिएको हो ।
प्रधान सेनापति महारथी प्रभुराम शर्माको हातबाट सेना दिवस २०७८ को अवसरमा सैनिक मञ्च टुँडिखेलमा आयोजित समारोहमा सम्मान गरिएको हो । देशभरै ४३ जना गैर सैनिकलाई सेनाले सम्मान गरेको हो ।
भीमफेदी गाउँपालिका, संस्कृति पर्यटन मन्त्रालय र पुरातत्व विभागको संयुक्त लागतमा २८ करोडको गुरु योजना निर्माण गरी चिसापानी गढी संरक्षण र पुर्ननिर्माण कार्य भईरहेको छ । गाउँपालिकाले केही महिनाअघि प्रधानसेनापतिकै हातबाट चिसापानी गढीको पुर्ननिर्माण कार्यको समुद्घाटन गरेको थियो ।
प्रतिक्रिया