सरकारले बढाएको दुधको मूल्य किसानले पाएनन्, विचौलीयाको मनपरी

पालिका डायरी
१७ फाल्गुन २०७८
सरकारले बढाएको दुधको मूल्य किसानले पाएनन्, विचौलीयाको मनपरी

सरकारी स्वामित्व रहेको दुग्ध विकास संस्थान (डीडीसी) ले हालै दूधको मूल्य बढाएपछि रौतहटको चन्द्रनिगाहपुर बजारमा उपभोक्ताको मूल्य आकासिएको छ । मन्त्रिपरिषद्को निणर्यबाट दुधको मूल्य बढे लगत्तै निजी दुग्ध व्यवसायीले आफूखुसी मूल्य बढाएपछि स्थानीय उपभोक्ताहरु मारमा परेका छन् । सरकारले किसानको नाममा दूधको मूल्य बढाउँदा त्यसको असर आम उपभोक्तालाई पर्न गएको हो । चन्द्रनिगाहपुरका निजि डेरि व्यवसायीले फरक–फरक मूल्य लगाएर दुध बेच्ने गरेको चन्द्रपुर ४ का स्थानीय शंकर बोलखेले बताए ।

चन्द्रपुर नगरपालिका वडा नं ४ मा संचालित निर्मल डेरीले ८० रुपैयाँ प्रतिलिटरका दरले दुध बिक्रि गर्ने गरेको संचालक निर्मल भट्टराई बताउँछन् । सोहि क्षेत्रमा रहेको प्रणामी डेरि, बास्तोला डेरि र आके डेरिले भने ९० रुपैयाँ प्रतिलिटरका दरले दुध बिक्रि गरिरहेको उपभोक्ताहरु बताउँछन् । बढी मूल्यमा दुध बेच्दै आएका व्यवसायीले आफूहरुले शुद्ध दुध बेच्ने गरेको दाबी गर्दै आएका छन् । जतिसुकै मूल्य तिरे पनि निजि डेरिहरुमा शुद्ध दुध नपाइने स्थानीय उपभोक्ता बताउँछन । ‘पानी मिसाइएको दुध बाध्यताबस लिनै पर्छ घरमा स–साना बालबच्चा छन । स्वस्थ रहनका लागि बालबालिकालाई दुध आवश्यक भएकै कारण जस्तोसुकै भए पनि लिनैपर्ने बाध्यता छ’, स्थानीय नितु कोइरालाले बताइन् ।

चन्द्रपुर नगरपालिका वडा नं ९ का किसान चेतनाथ सापकोटाले सहकारीले संचालन गरेको दुग्ध संकलन केन्द्रमा दुग्ध बेच्ने गरेका छन् । उनले संकलन केन्द्रमा शुद्घ दुग्ध बिक्रि गर्दा प्रतिलिटर ५५ रुपैयाँका दरले भुक्तानी पाउँछन् । तर, त्यही दुग्ध बिचौलियाहरुले कमाउँदै ९० रुपैयाँमा बेच्ने गरेको सापकोटा बताउँछन् । सापकोटा एक प्रतिनिधि पात्र मात्रै हुन् उनी जस्तै सबै किसानहरु बिचौलियाहरुबाट ठगिने गरेका छन् । सरकारले माघ २८ गतेदेखि लागु हुनेगरि प्रतिलिटर ६ रुपैयाँ ५२ पैसा मूल्य बढाए पनि उक्त रकम किसानले पाउँदैनन् ।

प्रतिक्रिया