एजेन्सी । अर्जेन्टिना एवं पेरिस सेन्ट जर्मेनका (पीएसजी)का फरवार्ड लियोनल मेस्सीले सातौं पटक बालोन डी’ओर अवार्ड जितेका छन् । फ्रान्सको पेरिसमा सोमबार राति आयोजित विशेष समारोहबीच मेस्सीलाई कीर्तिमानी सातौंपटक यो अवार्ड प्रदान गरिएको हो ।
३४ वर्षिय मेस्सीले बार्सिलोनाका लागि गत सिजन ४८ खेलमा ३८ गोल गरेका थिए । अर्जेन्टिनाको कप्तानी गरेका उनले जुलाईमा कोपा अमेरिकाको उपाधि जितेका थिए । त्यो उनको करियरको पहिलो प्रमुख अन्तर्राष्ट्रिय उपाधि हो ।
त्यसपछि पिएसजी पुगेका उनले लसम्म ११ खेल मात्र खेलेका छन् । चार गोल गरेका छन् ।
