कृष्णभिरमा सडक भासिएपछि पृथ्वी राजमार्ग अवरुद्ध भएको छ।

आइतबार बिहान त्रिशूली नदीमा आएको बाढीका कारण धादिङको बेनीघाट रोराङ गाउँपालिका कृष्णभिरमा सडक भासिएको हो। सडक भासिएका कारण अहिले यो सडकमा यातायात आवागमन पूर्ण रूपमा बन्द गरिएको छ।

सडक भासिएपछि चितवन तर्फबाट पृथ्वीराजमार्गतर्फ गुड्ने  सवारीसाधनलाई सुरक्षित स्थानहरूमा रोकिएको चितवनका प्रहरी नायब उपरीक्षक सुवास भट्टले जानकारी दिए। काठमाडाैँबाट गएका सवारी साधनपनि बिचमै रोकिएका छन्।

यसअघि भोटेकोसी नदीमा पुनः बाढी आएको खबर फैलिएसँगै आइतबार बिहान ४ बजेपछि रोकिएको सडकमा ७ बजेदेखि गाडी चल्न थालेका थिए।