अख्तियार दुरूपयोग अनुसन्धान आयोगले ललितपुरस्थित नापी कार्यालयका नापी सर्वेक्षक रामवीर यादवसहित ३ जनालाई घुससहित पक्राउ गरेको छ।

उनीहरूलाई घुस लिएको आरोपमा अख्तियारको टोलीले मंगलबार नै कार्यालयबाट पक्राउ गरेको हो। पक्राउ पर्नेमा नापी सर्वेक्षक रामवीर यादव, लेखापढी व्यवसायी दिनेश बन्जरा र विनोद अधिकारी रहेका छन्। उनीहरूसँगबाट अख्तियारले २ लाख ५० हजार रुपैयाँ घुस बरामद गरेको आयोगका प्रवक्ता नरहरि घिमिरेले जानकारी दिए।

जग्गा कित्ताकाट गरी प्रमाणपुर्जा बनाउन घुस माग गरेको उजुरीका आधारमा तीन जनालाई पक्राउ गरिएको अख्तियारको भनाइ छ।